“Prano, më pas rregullo” – Studimi i gabimeve është ai që ju ndihmon në inovacion
Mund të duket një praktikë e çuditshme por që në fakt ka rezultuar mjaft efektive.
Pas një projekti apo detyre anëtarët e një kompanie mblidhen dhe ndajnë diçka të habitshme me njëri-tjetrin siç janë gabimet.
Ata nuk e përgëzojnë njëri-tjetrin për gjithçka që kanë bërë mirë por fillojnë të tregojnë për atë që ka shkuar keq, se ku ata gabuan dhe se si do përpiqen ta rregullojnë këtë gjë. Kjo është një traditë e re dhe e çuditshme por që ka patur rezultate frytdhënëse.
Tre hapat e mëposhtëm janë një mënyrë e mirë për ju për përmirësimin e kulturës së kompanisë suaj
- Eliminoni frikën që të ndërtoni një kulturë me mentalitet pronësie
Çfarë do të thotë kjo? Pronësia është një gjë e fuqishme. Sipërmarrësi dhe të ardhurat e tyre rriten dhe bien për shkak të vendimeve që ata bëjnë.
Pronarët më të suksesshëm të bizneseve veprojnë nga një mentalitet ku lidhin rezultatet e tyre direkt me veprimet e tyre.
Ata e kanë fare të qartë se nëse përmirësojnë atë që po bëjnë, ata do të përmirësojnë atë që po marrin.
Nëse dëshironi t’i shihni të gjithë anëtarët e ekipit tuaj të përqafojnë po të njëjtën filozofi ju do të keni nxitur një kulturë që eliminon frikën për të bërë gabime.
Ju duhet t’i mësoni punonjësit me idenë se ata do të bëjnë gabime dhe mund të bëjnë gabime pasi ato janë njerëzore por më pas duhet të gjejnë mënyrën për t’i ndrequr këto gabime.
- Mendoni ndryshe, shikojini gjërat nga një tjetër perspektivë
Shumë shpesh kulturat e ekipit promovojnë luajtjen e sigurt por sipërmarrësit nuk kanë lidhje me luajtjen e sigurt. Shkundni mirë gjërat, sigurohuni që anëtarët e ekipit të kuptojnë se nuk ekziston asnjë formulë magjike që i bën gjërat gjithmonë të funksionojnë prandaj ato mundet të shkojnë. Mos u fokusoni pas humbjes por planifikoni fitoren e radhës vetëm kështu do të mësoni nga gabimet tuaja.
- Dështoni përpara si një ekip
Kur trajnerët thonë, “Lërini të gjitha në fushë”, ata u tregojnë lojtarëve që të mos e vënë veten në pozitë e t’u rrijë mendja nëse mund të kishin bërë diçka më shumë që nuk e bënë.
Ata me pak fjalë thonë, mos e lini këtë situata me atë çfarë mund apo duhet të kishit bërë por përpiqen t’i inkurajojnë anëtarët e ekipit që të japin më të mirën e tyre dhe të tregojnë se si do ta rregullojnë situatën në pjesën e mbetur.
Për fat të keq, ndonjëherë edhe njerëzit më të talentuar dhe të zellshëm i kap kurthi i fokusimit në atë që duhet të kishin bërë.
Përpiquni që kur kjo fazë t’ju zërë t’i thoni vetes suaj se herën tjetër nuk do ta bësh më diçka të tillë.
Kjo është pjesa më e rëndësishme, mos e vrisni mendjen për ato që ikën por për ato që do të vijnë.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.