Presidenca njofton diskutimet në Këshillin e Sigurisë: “U zhvillua në një frymë tepër konstruktive dhe bashkëpunuese”
Këtë të mërkurë është zhvilluar mbledhja e Këshillit të Sigurisë nëë drejtimin e presidentit Meta për të kooordinuar të gjitha veprimet e shtetit shqiptar në emergjencën që ka shkaktuar koronavirusi.
Pjesmarrës në këtë tryezë ishte kryeministri Rama, ministra të kabnetit qeveritar, kryetari i PD-së, Lulzim Basha si dhe kryeparlamentari Ruçi.
Presidenca ka bërë një njoftim në lidhje me temat e diskutaura në këtë takim. Ndër to ishin masat e marra për parandalimin e virusit dhe kthimin e shtetasve shqiptarëve që bllokimi I kufijve I zuri jashtë territorit:
Njoftimi i Presidencës
Nën drejtimin e Presidentit të Republikës, Sh.T.Z. Ilir Meta u zhvillua sot mbledhja e Këshillit të Sigurisë Kombëtare, nëpërmjet një video-konference.
Në këtë mbledhje morën pjesë Kryetari i Kuvendit, Sh.T.Z Gramoz Ruçi, Kryeministri Sh.T.Z Edi Rama, ministrat përgjegjës, si edhe Kryetari i Partisë Demokratike, z.Lulzim Basha.
Çështjet e diskutuara ishin:
Masat që janë marrë dhe po merren nga Qeveria për përballimin e situatës në vend dhe parandalimin e përhapjes së mëtejshme të pasojave të COVID-19;
Përballimin e situatës ekonomike, nga efekti i sjellë nga përhapja e COVID-19;
Masat e marra për rikthimin e shtetasve shqiptare, të cilët kjo situatë i ka gjetur jashtë territorit të Republikës së Shqipërisë.
Kryeministri Rama dhe anëtarët e qeverisë informuan për masat e marra dhe për skenarët që do të duhet të përballohen në varësi të zhvillimit të situatës.
Kryetari i Kuvendit z.Ruçi shprehu gatishmërinë për përmbushjen e detyrimeve të Kuvendit në këtë situatë.
Kryetari i Partisë Demokratike z.Basha shprehu pikëpamjet dhe sugjerimet e opozitës për të përballuar këtë pandemi.
Mbledhja e Këshillit të Sigurisë Kombëtare u zhvillua në një frymë tepër konstruktive dhe bashkëpunuese, dhe pati si qëllim kryesor unifikimin e të gjitha energjive dhe kapaciteteve njerëzore, mjekësore e shkencore për të përballuar me efikasitet të plotë këtë situatë të vështirë në funksion të mbrojtjes së shëndetit të çdo qytetari, ekonomisë kombëtare, paqes sociale dhe sigurisë.
Presidenti Meta shprehu besimin se në këtë frymë uniteti, gjithëpërfshirjeje dhe bashkëpunimi, vendi do ta përballojë me sukses këtë situatë të vështirë, jo vetëm për Shqipërinë, por për mbarë botën, në interesin me të mirë të çdo qytetari të Republikës së Shqipërisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.