Presidenti amerikan Joe Biden uron ndryshe Serbinë, i kërkon njohjen e Kosovës!  

Presidenti i Shteteve të Bashkuara të Amerikës, Joe Biden, në një letër urimi presidentit të Serbisë, Aleksandër Vuçiç, me rastin e Ditës së Shtetësisë së Serbisë, ka kërkuar arritjen e një marrëveshjeje gjithëpërfshirëse Kosovë-Serbi, që do të përqendrohet në njohjen reciproke.

RTK citon mediat serbe, sipas të cilave, në letrën e tij presidenti amerikan, ka konfirmuar mbështetjen amerikane në integrimin evropian të Serbisë.

Biden në letrën e tij veçanërisht thekson mbështetjen e SHBA-së për arritjen e një marrëveshje gjithëpërfshirëse për normalizimin e marrëdhënieve mes  Kosovës dhe Serbisë, e cila përqendrohet në njohjen reciproke.

Mediat serbe evidentojnë se më parë urime të tilla kanë qenë protokollare por një mesazh i kësaj natyre vjen për herë të parë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.