Presidenti Biden fillon vizitat e tij nëpër Europë me një paralajmërim për Rusinë!

“Shtetet e Bashkuara do të përgjigjen në një mënyrë të fuqishme dhe kuptimplote, kur qeveria Ruse të përfshihet në aktivitete të dëmshme,” tha Presidenti i SHBA Joe Biden ndërsa filloi turneun e tij të parë jashtë shtetit si President të Mërkurën. “Ne tashmë e kemi demonstruar atë. Unë do të komunikoj se ka pasoja për shkeljen e sovranitetit të demokracive, në Shtetet e Bashkuara, në Europë dhe gjetkë,” i tha udhëheqësi amerikan personelit të shërbimit amerikan në bazën e Forcave Ajrore Mbretërore Mildenhall në Anglinë lindore.

Itinerari i mbushur i Biden përmban një takim të udhëheqësve të G7 dhe një samit të NATO-s përpara se të përfundojë me një ballë për ballë me Presidentin rus Vladimir Putin në Gjenevë në 16 qershor. Për Putinin, ai tha të mërkurën se do ta “linte të dinte se çfarë dua unë të dijë ai”. “Ne nuk po kërkojmë konflikt me Rusinë, ne duam një marrëdhënie të qëndrueshme, të parashikueshme,” shtoi Biden.

Biden shpreson të lërë pas fyerjen dhe izolimin e epokës Trump në vizitën e tij të parë në Europë. “Në çdo pikë gjatë rrugës, ne do ta bëjmë të qartë se Shtetet e Bashkuara janë kthyer dhe demokracitë e botës po qëndrojnë së bashku për të trajtuar sfidat më të vështira dhe çështjet që kanë më shumë rëndësi për të ardhmen tonë,” tha Presidenti i SHBA .

Biden pritet të takojë Kryeministrin e Mbretërisë së Bashkuar Boris Johnson të Enjten në Cornwall për të diskutuar një “Kartë të Atlantikut” të ri, modeluar nga marrëveshja historike e nënshkruar nga Winston Churchill et Franklin D. Roosevelt në 1941.

Megjithatë tensionet mund të ziejnë nën sipërfaqen e takimit të Biden me Johnson. Presidenti amerikan kundërshtoi lëvizjen Brexit që Johnson mbështeti dhe ka shprehur shqetësim të madh për të ardhmen e Irlandës së Veriut. Biden madje një herë e quajti udhëheqësin britanik një “klon fizik dhe emocional” të Trump.

Qeveria britanike ka theksuar pikat e përbashkëta të Johnson me Biden për çështje të tilla si ndryshimi i klimës dhe mbështetja e tij për institucionet ndërkombëtare. Por Johnson është zhgënjyer nga mungesa e një marrëveshje të re tregtare me SH.B.A. (EN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.