Presidenti i ardhshëm i Kroacisë – Milanoviç mposht Kitaroviç në raundin e dytë të zgjedhjeve
Ish-Kryeministri Zoran Milanovic, kandidati i social demokratëve të opozitës, do të jetë presidenti i ardhshëm i Kroacisë, sipas rezultatit të zgjedhjeve presidenciale të ditës së Diel. Në raundin e dytë të zgjedhjeve, Milanovic fitoi 52.7% të votave, ndërsa Kolinda Grabar-Kitarovic, kandidatja e unionit democrat, mori 47.3%. Ndërkohë që roli i presidentit në Kroaci është kryesisht ceremonial, ai ka akses në vendimmarrje në çështje si politikat e jashtme, mbrojtja dhe siguria. Milanovic, që ka qenë kryeministër nga viti 2011 në 2015-ën, premtoi gjatë fushatës se do të luftojë korrupsionin. Në raundin e parë të zgjedhjeve dy javë më parë, Milanovic mposhti 11 kandidatët e tjerë, duke dalë i pari me 29.6% të votave, ndërkohë që Kitarovic ndoqi me 26.7%. Milanovic falenderoi mbështetësit e tij në selinë e partisë.
“Faleminderit të gjithë atyre që votuan për mua dhe rivales time, Kitarovic. Nuk do krijoj ndasi mes qytetarëve të kroacisë, veçanërisht për gjërat që ata janë të ndjeshëm”, është shprehur Presidenti i zgjedhur i Kroacisë, Zoran Milanovic
Presidentja që po largohet, Grabar-Kitarovic, i uroi Milanovic një mandat 5-vjeçar të suksesshëm që nis në muajin Shkurt. Ndërkohë që disa analistë thonë se fitorja e Milanovic mund të cënojë detyrën e Kryeministrit Andrej Plenkovic, përpara zgjedhjeve të lidershipit të partisë këtë vit, të tjerë thonë se ai mund ta manaxhojë këtë sfidë. Kroacia mori presidencën 6-mujore të Bashkimit Europian më 1 Janar.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.