Presidenti i Kosovës: ”SHBA është çelësi për zgjidhjen e konfliktit me Serbinë”
‘’Shtetet e Bashkuara janë çelësi për zgjidhjen e konfliktit në vazhdim midis Kosovës dhe Serbisë’’ ka deklaruar presidenti i Kosovës Hashim Thaçi, duke treguar për pamundësinë e vendeve të mëdha europiane për të arritur një qëndrim të unifikuar mbi këtë çështje.
Ish republika e Serbisë dhe kryesisht etnike shqiptare e shpalli pavarësinë e saj në vitin 2008, gati një dekadë pas një lufte të përgjakshme atje. Ajo fitoi njohje nga Shtetet e Bashkuara dhe shumica e vendeve të BE, por jo nga Serbia apo nga mbrojtësi i saj i fuqishëm Rusia, prandaj ende marrëdhëniet midis Beogradit dhe Kosovës mbeten të tensionuara.
“Pa SHBA nuk mund të kemi asnjë dialog, negociata apo ndonjë marrëveshje. BE nuk është e bashkuar në këtë proces”, tha Thaçi për Reuters TV në Berlin.
Thaçi ishte në Berlin për t’u bashkuar më vonë në samitin e Berlinit, i thirrur nga kancelarja gjermane Angela Merkel dhe presidenti francez Emmanuel Macron. Ndërsa përsa i përket pritshmërive të tij në lidhje me takimin e Berlinit ai është shprehur se “Nuk do të pres ndonjë mrekulli”.Është shumë e rëndësishme që Serbia ta njohë Kosovën si një shtet të pavarur’’ ka thënë Thaçi.
Thaçi theksoi se Serbia ishte e orientuar drejt Rusisë, por Kosova donte të ishte pjesë e NATO-s dhe Bashkimit Europian sa më shpejt që të ishte e mundur.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.