Presidenti i parë i SHBA-së që do të njohë gjenocidin armen – Biden: “Primare të drejtat e njeriut”

Joe Biden vendosi të njohë vrasjen e 1.5 milion armenëve gjatë periudhës së Luftës së Parë Botërore nga Perandoria Osmane si gjenocid.

Genocidi armen, i njohur edhe si “E Keqja e Madhe”, apo “Krimi i Madh”, siç quhet nga vetë armenët, përfshin shfarosjen sistematike nga ana e qeverisë otomane të pakicave armene, brenda territoreve të tyre historike, që sot ndodhen në Republikën aktuale të Turqisë.
Në të vërtetë, njihen dy fushata të mëdha kundër armenëve: ajo e Sulltanit Abdyl Hamid II në vitet 1894-1896 dhe shfarosja e armenëve në vitet 1915-1916.

Biden do të jetë presidenti i parë amerikan që do ta bëjë këtë, pasi të paktën tridhjetë vende kanë ndërmarrë hapa të ngjashëm. Masa është e destinuar të ndezë tensionet me Turqinë, një aleat të NATO-s, por Biden ka vendosur angazhimin e tij për të drejtat e njeriut në radhë të parë.

Njoftimi pritet të shtunën,  në 106 vjetorin e vrasjes masive.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.