Presidenti Meta dërgon në Gjykatën Kushtetuese vendimin e qeverisë për pronësinë e Teatrit Kombëtar
Presidenti vendit, Ilir Meta ka dërguar gjatë ditës së sotme në Gjykatën Kushtetuese vendimin e qeverisë, sipas të cilit pronësia e Teatrit Kombëtar i kalon Bashkisë së Tiranës.
Ky vendim autorizon Bashkinë që të nisë ndërtimin e teatrit të ri në truallin e atij ekzistues, si dhe për rrjedhojë shembjen e teatrit ekzistues.
Presidenti argumentoi veprimin e tij në lidhje më këtë çështje gjatë një deklarate për shtyp të realizuar mesditën e së enjtes.
“Kam depozituar kërkesën për shfuqizimin e ligjit që i kalon në pronësi Bashkisë së Tiranës, Teatrin Kombëtar pasi me prishjen e teatrit, synohet të zhduket trashëgimia jonë kulturore. Gjykata Kushtetuese është ajo që duhet të vendosë sa më shpejt për pezullimin e këtyre akteve normative, që janë antikushtetuese. Bashkitë janë përgjegjëse për zhvillimin, mbrojtjen dhe promovimin e vlerave të trashëgimisë kulturore. Duke qenë se pasuria që kalon në pronësi të bashkisë ka emërtimin Teatri Kombëtar, kjo bashki nuk mund të shprehet për çështje që kalojnë kompetencën e juridiksionit vendor”, u shpreh Meta gjatë fjalës së tij.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.