Presidenti Meta në gjuhën angleze: “Falënderojmë shtetet mike për ndihmën e paçmuar”
Presidenti Meta ka qenë në ditën e sotme në vendngjarje për të parë nga afër dëmet e shkaktuara nga tërmeti shkatërrimtar në Shqipëri, që deri më tani ka shkaktuar 31 viktima dhe mbi 600 të plagosur.
Në një komunikim për mediat president i Republikës së Shqipërisë ka komunikuar edhe në gjuhën angleze, në mënyrë që mesazhi i tij të jehonte edhe si një falënderim për të gjithë ndihmat e dhuruara nga shtetet e huaja mike.
“Është një situatë e vështirë dhe të gjithë duhet të solidarizohemi dhe të ndihmojmë njëri-tjetrin. Dëmet e shkaktuara janë padyshim tragjike, por me ndihmën e partnerëve miq, situata është në gjendje të kontrollueshme.” – ishin fjalët e kryetarit të shtetit në këtë ditë zie në shtetin shqiptar.
Qeveria në mbledhjen e mëngjesit të sotshëm ka shpallur gjendjen e emergjencës kombëtare në qytetet e Durrësit dhe Tiranës, duke marrë kështu masa speciale për këtë tërmet shkatërrues dhe duke paralajmëruar qytetarët për tu përgatitur për të gjitha situatat.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.