Presidenti Meta publikon grafikun: “Jemi të fundit në Europë për numrin e testimeve të kryera”
Presidenti Ilir Meta ka publikuar në rrjete sociale grafikun nga përqindjet e testimeve të kryera në botë nga faqja prestigjioze ëorldometeres.com që mat në kohë reale shifrat nga të gjitha shtetet sa i përket COVID-19.
Presidenti thotë se është shqetësuese situata e testimeve në vendin tonë, ku renditemi të fundit në Europë për kryerjen e tyre. Kreu i Shtetit kërkon rritjen e angazhimit nga institucionet në një moment kur situata po bëhet edhe më kritike sipas tij:
“Testimi është veprim themelor sepse i hap rrugën gjurmimit dhe trajtimit të bazuar mbi diagnozë.
OBSH ka qenë shumë e qartë që në momentin kur pandemia COVID-19 u shfaq, duke kërkuar: TESTIM! TESTIM! TESTIM!
Kjo kërkesë është sot më urgjente se kurrë pasi rastet e të infektuarve, krahasuar me muajin prillin, janë rritur me mbi 11 herë.” – shprehet presidenti në rrjete sociale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.