Presidenti në një kuti ‘pleksiglas-i’-Rotacion pushteti i pazakontë në Çeki!
Me një kub pleksigas, presidenti i Republikës Çeke Milos Zeman, ka zyrtarizuar kryeministrin e ri Petr Fiala, 57 vjeçarin politolog dhe profesor lider i aleancës që mban mazhorancën në parlament pas zgjedhjeve që u mbajtën në muajin tetor.
Europeisti Fiala pason qeverinë populiste të Andrej Babis i cili humbi pushtetin pasi rezultoi i përfshirë në skandalin financiar “Panama Papers”. Në këtë mënyrë, në Pragë po ‘kthehet faqja’ politike në një moment delikat kur pandemia vijon të kërcënojë jetë, llogari e ekuilibra politikë.
Në këtë ceremoni historike për Çekinë, presidenti u detyrua të merrte pjesë pak pasi kishte lënë spitalin, për shkak se ishte i infektuar me Covid. Për të shmangur çdo kontakt, presidenti Zeman arriti në një karrige me rrota dhe qendroi gjatë gjithë kohës i ndarë nga kryeministri, i izoluar nga një kuti pleksiglas-i.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.