Prezantohet biblioteka dixhitale – Rama: Rezerva për UT, po pengon kërkesat e studentëve. Do të ndërhyjmë
Tashmë studentët kanë në dispozicionin e tyre bibliotekën dixhitale për të marrë informacione nga të gjitha degët, për kërkimin shkencor por edhe për të mësuar gjuhë të huaja përmes saj, duke u futur në adresën ulibrary.rash.al.
Gjatë prezantimit të saj, kryeministri Edi Rama tërhoqi vëmendjen e rektoratit të UT, jo vetëm për pamundësinë e shfrytëzimit të saj, por dhe për lëvrimin e bursave dhe një sërë çështjeve të tjera që kanë të bëjnë me plotësimin e kërkesave të studentëve duke thënë se do të ndërhyjë me ligj, pavarësisht prekjes së autonomisë së universitetit .
Sipas Ramës, ministritë përkatëse të përfshira në Paktin për Universitetin janë të vendosur për financuar fakultetet. Ndërkohë, ka shtuar më tej se janë përgatitur të gjitha hapat administrativë për heqjen e barrierave dhe universitetet mund të krijojnë kompanitë e tyre të konsulencës.
Kryeministri foli për kritere shtesë për pranimet në universitete dhe se nuk do pranohen studentët me mesatare të gjimnazit 6.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.