Prezantohet Drejtori i ri i AKU, Agim Ismaili: Kam mbështetjen e kryeministrit për forcimin e institucionit dhe garantimin e sigurisë ushqimore

Në Drejtorinë e Përgjithshme të Autoritetit Kombëtar të Ushqimit është prezantuar Drejtori i Përgjithshëm i këtij institucioni, Agim Ismaili, i cili zëvendësoi Dritan Sejkon, që e mbajti këtë post për 1 vit.  Ismaili u emërua në krye të Autoritetit Kombëtar të Ushqimit, vetëm një ditë më parë, me Vendim të Këshillit të Ministrave.

Në fjalën e tij të prezantimit, Ismalili deklaroi se është koshient për pritshmëritë e konsumatorit dhe rëndësinë e AKU në garantimin e sigurisë ushqimore.

“Jam informuar për pritshmëritë që më presin. Me bashkëpunimin e ngushtë me ju, me të gjitha drejtoritë rajonale të AKU në rrethe, si dhe me institucionet tjera që kanë për detyrë të garantojnë zinxhirin ushqimor, mendoj se do t’ia dalim në përmbushjen e detyrave. Kam marrë mbështetjen e Kryeministrit Rama dhe Ministrit të Bujqësisë, Niko Peleshi, për forcimin e Autoritetit Kombëtar të Ushqimit dhe garantimin e sigurisë ushqimore në tërësi” tha Ismaili. Më herët, ai ka mbajtur postin e Nëndrejtorit i Drejtorisë së Parandalimit të Pastrimit të Parave.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.