Prezantohet projektbuxheti 2019 – Ahmetaj: Rritje e të ardhurave, pavarësisht goditjes së kursit
Ministri i Financave Arben Ahmetaj ka prezantuar projektbuxhetin e vitit 2019 përpara deputetëve të Komisionit të Ekonomisë dhe Financave, ku theksoi se parashikohet rritje e të ardhurave, pavarësisht goditjes që ka dhënë zhvlerësimi euros dhe dollarit gjatë këtij vitit, i cili pritet që deri në fund të 2018 të shkojë në 9 mld lekë.
Sipas ministrit si pjesë e rëndësishme e buxhetit, është parashikimi për mbylljen e disa akseve nacionale, ndërsa po përgatitet procedura për ndërtimin me PPP të autostradës Tiranë-Durrës.
Ministri vuri theksin edhe tek fondi për kompensimin e fizik dhe financiar të pronarëve prej 5 miliardë lekësh i cili do të zgjidhë ngërçin e krijuar ndër vite. Në buxhetin e vitit 2019 rritja ekonomike parashikohet në nivelin 4.3 për qind dhe deficiti buxhetor në 1.9 për qind. Pas prezantimit në komisione për një periudhë 3 javore, buxheti do të miratohet në parlament më datën 22 Nëntor.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.