Printimi i certifikatave nga eKiosk – Bashkia Tiranës jep 17.4 mln lekë për Njësinë A
Shumë shpejtë të 860 mijë banorë e Bashkisë Tiranë do të kenë mundësi që dokumente të ndryshëm që merren pranë gjendjes civile ti marrin nëpërmjet sistemit e Kiosk.
Në këtë mënyrë do të shmangen radhët e gjata që krijohen në zyrat e gjendjes civile për të marrë një certifikatë. E-Kioska paraqet një zgjidhje teknologjike me konstruksion metalik dhe që ofron akses nga jashtë për qytetarët.
Aksesi ofrohet përmes ekranit të ndjeshëm në prekje. Të ngjashme me bankomatet e bankave të ndryshme, eKioskat do vendosen në hapësira të hapura ku ofrohet akses për qytetarët gjatë gjithë kohës.
Qytetarët do të identifikohen përmes letërnjoftimit i cili do të skanohet nga pajisja përkatëse brenda eKioskës.
Pas identifikimit, programi në kohë reale dhe në mënyrë automatike do të shkëmbejë të dhënat me sistemin elektronik të regjistrit civil ku do të merren të gjitha të dhënat për certifikatat e disponueshme të qytetarit.
Pasi përzgjidhet lloji i certifikatës dhe pasi kryhet pagesa, eKioska shtyp certifikatën përkatëse dhe dëshminë e pagesës. Fillimisht shërbimi i eKiosk do të ofrohet në njësinë A.
Për këtë qëllim Bashkia e Tiranës ka hapur një tender në vlerën e 17.4 milionë lekë pa TVSH.
Më 29 gusht prite që të shpallet fituesi i cili do të merret me ndërtimin e sistemit për një afat kohorë prej dy muajsh nga nënshkrimi i kontratës si dhe do të merret me mirëmbajtjen e sistemit për një periudhë 2 vjeçare.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.