Pritet ndërhyrja e BQE – Ekonomistët parashikojnë përfundimin e stimujve në fund të vitit

Banka Qendrore Europiane pritet të përfundojë programin e stimujve në fund të këtij viti, tregon një anketim i ekonomistëve nga Reuters, pas komenteve të bëra nga politikëbërësit e bankës në javët e fundit që kanë përforcuar këto pritshmëri.

Anëtarë të bordit drejtues të bankës, përfshirë Jens Weidmann, kreun e bankës qendrore të Gjermanisë, homologun holandez Klaas Knot dhe ekonomistin kryesor të bankës Peter Praet, kanë thënë se skema e blerjes së titujve të borxhit prej 2.55 trilionë euro mund të përfundojë këtë vit.

Ndërsa disa ekonomistë argumentojnë se vendimi mund të vijë në takimin e 14 Qershorit, të tjerë presin që BQE të ofrojë një afat kohor gjatë atij takimi.

Sipas bankës amerikane Morgan Stanley, takimi i radhës i politikave ka të bëjë me mesazhin që do të jepet dhe jo me aksione.

“Presim një konferencë të kujdesshme pas takimit,  për shkak të ngadalësimit të ekonomisë, vendosjes së tarifave nga Shtetet e Bashkuara dhe pasiguria politike në Itali”, deklaron Morgan Stanley.

Banka Qendrore pritet  të rrisë  normën e interesit për depozitat me 15 pikë bazë në -0.25% në tremujorin e dytë të 2019-ës dhe rrisë normën e rifinancimit me 10 pikë bazë tre muaj më vonë.

Komentet e politikëbërësve kanë ardhur pavarësisht të dhënave të dobëta ekonomike dhe kanë mbështetur rritjen e euros në 1.1838 dollarë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.