Pritet rritje e madhe e rasteve me Omicron – Fauci: Pavarësisht se më pak i ashpër, nuk është koha për ta marrë lehtë

Rastet me Covid-19 pritet të vazhdojnë rritjen ndërkohë që varianti Omicron përhapet shpejt në botë, sipas ekspertit të sëmundjeve infektive në SHBA, Anthony Fauci.  “Çdo ditë shfirat vazhdojnë rritjen. Mesatarja javore e fundit ishte në rreth 150,000 dhe pritet të shkojë shumë më lartë”- tha Fauci në një intervistë.  Deri ditën e Enjte, përpara se fundjava e pushimeve të ndërpriste numërimin e Covid, Shtetet  e Bashkuara regjistruan një total prej 51 milionë rastesh, sipas Qendrës për Kontrollin dhe Parandalimin e Sëmundjeve. Shtetet e Bashkuara kaluan gjithashtu 800,000 vdekje totale nga sëmundja në mes të Dhjetorit. Ajo që po nxit rritjen është varianti Omicron, që u bë mbizotëruesi një javë më parë.

Ndërkohë që varianti ka treguar se është më i transmetueshëm, studimet po bëjnë të ditur se është më pak i ashpër. Megjitahtë, Fauci tha se nuk është koha për ta marrë situatën lehtë. “Nëse ka shumë më shumë njerëz me nivel më pak të ashpër të sëmundjes,  kjo mund të neutralizojë efektin duke vendosur sistemin shëndetësor në mbikapacitet”- tha Fauci duke shtuar se problemi qëndron tek të pavaksinuarit, që janë grupi më i cënuar nga kjo rritje e transmetueshmërisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.