Problemi i energjisë në Europë – Do të vijë nga thatësira e jo nga i ftohti. Gjermania, Franca në ngërç
Problemet me energjinë dhe gazin natyror në Europë këtë Dimër, me shumë gjasa do të vijnë nga thatësira dhe jo nga i ftohti. Një zonë e presionit të lartë atmosferik në Europën Veriore dhe Qendrore, e ngjashme me motin që solli temperatura rekord gjatë Verës, do të bllokojë erën dhe reshjet në rajon këtë muaj.
Prurjet e ulëta të lumenjve kanë detyruar kompaninë shtetërore të energjisë në Francë, “Electricite de France” që të shkurtojë prodhimin në disa stacione bërthamore dhe ka ulur furnizimet e qymyrit në Gjermani.
“Nuk po marrim mjaftueshëm qymyr për të furnizuar stacionet” deklaroi gjiganti i energjisë në Gjermani, RWE. Çmimet e energjisë në Gjermani kanë arritur thuajse dyfishin e mesatares 4 vjeçare gjatë muajve të fundit dhe në Tetor prekën 63.5 euro për MwH.
Zakonisht në Dimër, rreziqet më të mëdha për çmimet vijnë nga i ftohti, që shton kërkesën për ngrohje. Por moti i thatë mund të reduktojë prodhimin në fabrika, duke reduktuar prurjet në lumenj.
Europa u përball me të njëjtin problem gjatë valës së të nxehtit në Korrik, çmimet me shumicë të energjisë elektrike në Francë dhe Gjermani, në nivelin më të lartë në 1 dekadë.
Presioni i larta atmosferik që do të prekë Europën Qendrore dhe vendet Skandinave këtë muaj, mund të vazhdojnë deri në Dhjetor sipas sinoptikanëve, duke shtuar thatësirën.
Megjithatë, pavarësisht se nivelet e lumenjve ndodhen në nivele të ulëta rekord, ato mund të ngrihen shpejtë sipas analistëve, si në vitin 2015, ku u shtuan më shumë se 2 metra në vetëm 10 ditë.
Në vendet nordike, balanca hidrike ndodhet ende në deficit, prej verës më të thatë në histori këtë vit. Deficiti në rezerva hidrike qëndron në 6.2 terawatt/ orë, dhe projektohet të rritet në 10 për vetëm 2 javë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.