Procesi i digjitalizimit – Propozohet shtyrja e afatit deri në fund të 2018

Propozohet që të shtyhet deri në fund të vitit procesi i digjitalizimit. Gjatë mbledhjes të thirrur me urgjencë për shkak të problematikave nga shoqata e Transmetuesve Radioteleviziv Kabllorë Valorë-RRTL, janë bërë një sërë kërkesash që lidhen me frekuencat, financimet, reklamat dhe pagesat që duhet të bëjnë televizionet lokale. Këto të fundit janë ankuar për tarifat shumë të larta që aplikon RTSH-ja. Por sipas përfaqësuesit të RTSH-së, Henri Muça, tarifat që po aplikohen janë të arsyeshme pasi  flasim për 6 transmetues të vënë në dispozicion.

Në lidhje më kërkesën e televizioneve lokale për shtyrjen e afatit të digjitalizimit nga 31 korriku deri në një moment të dytë. Kryetari i AMA-së ka propozuar që ky proces të  shtyhet me një muaj, por përfaqësuesi i RTSH nuk ka qenë i të njëjtit mendim pasi  shtyrja ka kosto.

Pas replikash e kundër replikash nga të gjitha palët, kryetarja e komisionit të mediave Albana Vokshi ka dalë me disa propozime konkrete.

Palët ranë dakord që të organizohet një tryezë tjetër deri në fund të shtatorit ku do të diskutohen të gjitha propozimet në kuadër të procesit të digjitalizimit.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.