Prodhimi industrial në Gjermani – Rritje modeste falë aktivitetit të ndërtimit. Perspektiva, e zymtë

Prodhimi industrial në Gjermani u rrit me 0.7% në muajin Shkurt,  ndërkohë që moti ka favorizuar një rritje të aktivitetit të ndërtimit, pasi prodhimi në manifakturë pati rënie.  Gjermania është goditur nga lufta tregtare dhe shqetësimet në lidhje me Brexit,  ndërkohë që mezi shmangu recesionin në vitin e kaluar.  Institutet kryesore ekonomike kanë ulur projeksionet për rritjen në vitin 2019 dhe kanë paralajmëruar se rimëkëmbja e gjatë e Gjermanisë, mund të ketë arritur në fund të ciklit.

Rritja e prodhimit kaloi projeksionet për një normë prej 0.5%. “Sektori industrial pritet të qëndrojë i dobët për shkak të porosive të ulëta dhe klimës së zymtë të biznesit. Megjithatë, ndërtimi ka pasur rritje,  kryesisht prej kushteve të favorshme të motit”,  deklaroi ministria e Ekonomisë. Porositë për “Made in Germany” ranë me normën më të madhe në dy vite gjatë Shkurtit, me 4.2%.   Në total, ndërtimi pati një rritje me 6.8%, manifaktura pësoi rënie me 0.2%, ndërsa industria e makinave pati rënie me 1%.

Gjermania ndodhet në vitin e 10 radhazi të ekspansionit ekonomik,  por mezi shmangu recesionin në fund të vitit të kaluar, ku tregoi normën më të ulët të rritjes ekonomike në 5 vite. Ekonomia e varur nga eksportet po ngadalësohet nga lufta tregtare dhe pasiguritë e Brexit. Zyrtarët shpresojnë se ndërsa këto dy çështje zgjidhjen, ekonomia do të mund të rifitojë vrull përsëri.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.