Prodhuesi i 7-të më i madh në Europë – Portokallet, Shqipëria rrit prodhimin me mbi 18%, prodhon mbi potencialin europian
Ndër 300 hektarë të mbjellë, Shqipëria ka prodhuar 10800 tonë portokalle gjatë 2018-ës, tregojnë të dhënat më të fundit të Eurostat. Vitin paraardhës, prodhimi sipas eurostat fiksohej në 9100 tonë, çka bën që rritja vjetore të jetë në 18.6%. Sipas agjencisë së statistikave të Bashkimit Europian, në Europë portokalli prodhohet në vetëm 10 shtete, kryesisht mesdhetare.
Ndër këto 10 shtete, Shqipëria është në vendin e 7-ta për nga prodhimi vjetor, më mirë se Malta, Franca dhe Kroacia, Pra, Shqipëria përfaqëson 0.11% të sipërfaqes së kultivuar me portokalle në Europë, dhe 0.16% të të gjithë prodhimit europian të të njëjtit frut. Kjo do të thotë se prodhimi në vendin tonë është përtej potencialit europian.
Në nivel europian, në vend të parë për nga prodhimi qëndron Spanja me 3.6 milionë tonë, e ndjekur nga Turqia, me 1.9 milionë, Italia me 1.6 milionë, Greqia me 913 mijë, Portugalia me 340 mijë dhe Qipro me 20 mijë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.