Prodhuesit e automjeteve kërkojnë financime – Mungesa e çipeve në SHBA po largon shumë njerëz nga puna
Industria e automjeteve në Shtetet e bashkaura dhe unioni i punëtorëve të kësaj industrie i bënë thirrje kongresit të ofrojë miliarda dollarë në financime qeveritare, për të mbështetur rritjen e gjysëmpërçuesve në mënyrë që të plotësohet nevoja e tregut. “Kongresi duhet të prioritarizojë prodhimin e gjysëmpërçuesve të nevojshëm për të prodhuar makinat në SHBA.
Kjo do të sigurojë se prodhuesit e motorëve për makinat do të kenë një pjesë të drejtë të tregut të çipeve që nevojiten për të plotësuar nevojën e konsumatorëve”, thuhet në deklaratën e tyre. Kompanitë e teknologjisë dhe industritë e tjera i kanë kërkuar administratës në mënyrë të përsëritur që të mos zgjedhe “fitues dhe humbës” dhe të mos vendosë kushte për financimin për të adresuar mungesën e çipeve.
Zyra e Statistikave të Punës në SHBA deklaroi se sektori i automjeteve dhe pjesëve të këmbimit humbi 27 mijë vende pune vetën në prill. Por, në letrën dërguar Kongresit, kjo industry vlerëson se ka humbur 330 mijë vende pune, për shkak të mungesës së çipeve. Prodhuesit e automjeteve anembanë botës e kanë ulur ndjeshëm prodhimin, që ka penguar rimëkëmbjen nga pandemia për shkak të mungesës së çipeve, që përdoren gjerësisht.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.