Prodhuesit e letrave higjienike: ‘Ajo që po ndodh në treg është tërësisht surreale’!
Ndërsa pandemia e koronavirusit po përhapet masivisht, familjet në të gjithë botën po mbajnë radhën e stërgjatë dhe po zbrazin raftet e dyqaneve. Letra e tualetit është bërë simboli i fundit i blerjes së panikut. Kompanitë që ndihmojnë në furnizimin me këto produkte të letrës së përditshme janë të habitur dhe po përpiqen të përshtaten me këtë normë të shpejtë evoluese të re në sjelljen e konsumatorit.
Ata po përballen me një fluks të paparashikueshëm blerjesh dhe problemi i parë që bie në sy është pikërisht cfarë do të ndodhë nëse punonjësit e tyre do të sëmuren nga COVID-19, si do ta përballojnë ata punën e shtuar?
“Nëse më pyet pse të gjithë po marrin letrë tualeti, nuk mund ta shpjegoj me të vërtetë,” tha Tom Sellars, CEO i Sellars Absorbent Materiale në Milwaukee, Wisconsin. Kompania e tij është një përpunues dhe konvertues i letrës dhe produkteve të përafërta. “Nuk është se njerëzit po përdorin më shumë produkte por rritja e kërkesës mund të tendosë zinxhirin e furnizimit,” tha ai.
Georgia Pacific, prodhuesi i letrës higjienike Angel Soft dhe Quilted Northern, tha që javën e kaluar, disa porosi nga shitësit me pakicë gati u dyfishuan. Kompania arriti të dërgojë 20% më shumë se kapaciteti i saj normal. Dhe Shoqata Amerikane e Pyjeve dhe e Letrës, një grup i industrisë që përfaqëson prodhuesit e produkteve të letrës, vuri në dukje se industria po punon shumë për t’iu përgjigjur rritjes së papritur të kërkesës.
“Sigurohuni, produktet e letrës vazhdojnë të prodhohen dhe dërgohen, ashtu si ka ndodhur gjatë 52 javëve çdo vit si pjesë e një tregu global,” tha drejtori i përgjithshëm i AFPA Heidi Brock në një deklaratë. Por kjo nuk do të thotë se do të jetë punë e lehtë për fabrikat. Një shqetësim tjetër i madh: stokimi i letrës së tualetit tani mund të dëmtojë përfundimisht shitjet e prodhuesve në të ardhmen.
“Ne kemi parë të gjithë fotografitë e njerëzve që mbajnë karroca të mbushura me letër higjienike jashtë dyqaneve. Ndoshta nuk do të blejnë më shumë për tre deri në katër muaj,” tha Baron CEO of Marcal Paper. “Do të ketë një tronditje të kërkesës sërish dhe kjo përsëri do të tendosë sistemin”. (CNN)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.