Produkte pa vulë dhe të pasigurta për konsum – AKU asgjëson mbi 8 ton ushqime dhe vendos masa administrative në 4 subjekte
Trupat inspektuese të AKU-së, gjatë 24 orëve të fundit kanë kryer mbi 600 inspektime dhe monitorime në garantim të sigurisë ushqimore dhe si pjesë e Taks-Forcës anti-Covid.
Sipas njoftimit gjatë kontrolleve të kryera janë vendosur 2 masa administrative si dhe 1 masë është vendosur pasi është konstatuar tregtim mishi pa vule dhe pa certifikatë veterinare, u bë bllokimi i sasisë së evidentuar me qëllim asgjësimin si dhe 1 masë për mungesë të sistemit të gjurmueshmërisë.
AKU bën me dije se është bërë asgjësimi i një sasie prej 8.5 ton produktesh ushqimore të pasigurta për konsum, me kërkesë të subjektit ndërsa referuar Planit të Marrjes së Mostrave janë marrë 42 mostra për monitorim të qumështit dhe mbetjet pesticide në fruta-perime.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.