Produkte të skaduara dhe moszbatim i protokollit të sigurisë – AKU asgjëson mbi 19 ton ushqime dhe vendos 19 masa administrative
Autoriteti Kombëtar i Ushqimit ka kryer 524 inspektime dhe monitorime në të gjithë vendin gjatë 24 orëve të fundit.
Sipas njoftimit gjatë kontrolleve zyrtare për garantimin e sigurisë ushqimore në operatorë të biznesit janë dhënë 19 masa me paralajmërim përgjithësisht për rinovim të librezave shëndetësore, rinovim të analizave të ujit dhe planit DDD ndërsa referuar Planit të Marrjes së Mostrave janë marrë 44 mostra në monitorim të produktit qumësht.
AKU bën me dije se gjithashtu me kërkesë të vetë subjektit janë asgjësuar një sasi prej 19.106 ton produkte ushqimore ndërsa në zbatim të Urdhrit nr.28 datë 21.10.2020 “Për bashkërendimin e inspektimeve për zbatimin e protokolleve të sigurisë në kuadër të Task-Forcës anti COVID-19” inspektorët e DRAKU-ve përveç monitorimeve të subjekteve kanë këshilluar 370 qytetarë për mbajtjen e maskave për parandalimin e përhapjes së COVID-19.
AKU njofton referuar respektimit te protokolleve te sigurisë anti-Covid, gjatë monitorimit është konstatuar se subjektet i respektojnë kushtet higjieno-sanitare dhe respektohet përdorimi i dorezave dhe maskave.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.