Produkte të skaduara dhe mungesë dokumentacioni – AKU vendos 29 masa administrative dhe paralajmërime në të gjithë vendin

Trupat inspektuese të Autoritetit Kombëtar të Ushqimit kanë vijuar edhe gjatë 24 orëve të fundit mbi 400 inspektime dhe monitorime  në terren edhe si pjesë e Task-Forcës Anti-Covid duke këmbëngulur që të zbatohet me rigorozitet protokolli i sigurisë kundër përhapjes së Covid-19.

Sipas njoftimit gjatë inspektimeve është dhënë një masë administrative në një biznes për produkte me afat të kaluar përdorimi, si dhe janë dhënë 28 masa me paralajmërim për mungesë të librezave shëndetësore, mungesë të rinovimit të analizave të ujit, mos sistemim të ambienteve të prodhimit etj. ndërsa bazuar në Planin e Marrjes së Mostrave janë marrë 40 mostra në monitorim të qumështit por edhe në analizim të perimeve për mbetje pesticide.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.