Produktet shqiptare nuk do të lejohen në Rusi – Zgjerohet lista e ndalimit të importeve

Rusia ka vendosur të zgjerojë listën e ndalimit të importeve për produktet bujqësore, materialet bazë dhe të papërpunuara, si dhe produktet ushqimore.

Kremlini ka vendosur t’ua kthejë me të njëjtën monedhë vendeve që kundërshtuan aneksimin e Krimesë dhe mbështetën separatistët ukrainas, duke imponuar sanksionene ndaj Rusisë. Ndaj, si shenjë hakmarrjeje Rusia ka vendosur të mbyllë dyert e tregut rus për këto vende.

Deri më sot ndalimi përfshinte vetëm vendet e Bashkimit Europian dhe Shtetet e Bashkuara, ndërsa tashmë listës i shtohet Shqipëria, Kanadaja, Australia, Norvegjia, Ukraina, Mali i Zi, Islanda dhe Lihtenshtejni.

Ndalimi do të zgjasë deri më datë 31 Dhjetor 2018, ndërsa produkteve të ndaluara më sipër u shtohen edhe produktet e mëposhtme:

• Derra të gjallë
• Produkte të ngrënshme të fresktëta, të ftohura apo të ngrira që vijnë nga kafshë gjedhët, derri, delet, dhitë, kuajt, gomerët, mushkat, etj.
• Dhjam derri i freskët, i ftohur, i ngrirë, i kripur, turshi, i tharë apo i tymosur, i ndarë nga mishi
• Dhjam shpendësh, i pa ndarë nga mishi
• Dhjam derri (përfshirë bacon) dhe dhjam shpendësh,
• Dhjam viçi, dhie, deleje,
• Përbërës dhjamorë, të procesuar në çdo lloj mënyre

Ndalimi i eksporteve nuk pritet të ketë asnjë efekt dëmtues për ekonominë shqiptare, pasi produktet e eksportuara në Rusi zënë një pjesë shumë të vogël në totalin e eksporteve, vetëm 87 milionë lekë për periudhën Janar-Shtator 2017.

Angelo Haruni/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.