Produktet ushqimore drejt Kosovës! Takim dypalësh në Doganën e Morinës, Hajdari: Asnjë vonesë, hapim tregjet për prodhimet bujqësore
Qarkullimi pa asnjë pengesë i mallrave e veçanërisht produkteve ushqimore mes Kosovës e Shqipërisë ka mbledhur përfaqësues të institucioneve qendrore lokale dhe te kufirit të dy vendeve. Në takimin që u zhvillua në ambjentet e pikës doganore të Morinës u diskutuan hapat qe jane marre ne qarkullimin normal , pa pengesa te shkembimit te mallrave ne dy anet e kufirit, per garantim te sigurise ushqimore te mallrave e plotësimin e nevojave të qytetarëve në të dy vendet. Ndërkaq, Dogana e Morinës funksionon me kapacitet të plotë dhe vetëm gjatë 24 orët e fundit kanë kaluar përmes saj afërisht 300 kamionë.
Ndërkaq, takimi po adreson edhe një problem tjetër mjaft të mprehtë me të cilin po përballen aktualisht fermerët shqiptarë, atë të bllokimit të produkteve për shkak të mbylljes së kufijve evropianë. Sipas pjesëmarrësve, lehtësimi i lëvizjes mes dy anëve të kufirit do bënte të mnundur që këto produkte të mos mbetesh stok, por të dërgohen në tregun kosovar e anasjelltas.
Në takim morën pjesë kryeinspektori i Pergjithshem i Shtetit Shkelqim Hajdari, kryetaret e bashkive Prizren dhe Kukes, Prefekti, ambasadori Minxhozi, e përfaqësues të dhomave të tregtisë nga të dy vendet.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.