Produktiviteti në punë – Të pakënaqur me pagat 56% e të anketuarve, ulin eficencën
Produktiviteti në punë është i lidhur me kënaqësinë që ka i punësuari. Sipas një sondazhi të realizuar mbi “Kënaqësinë në Punë” punonjësit në Shqipëri janë më pak të kënaqur me punë se sa të punësuarit në Kosovë.
Pesë janë arsyet kryesore pse punonjësit nuk janë të kënaqur me punë që kanë, e para lidhet me pagat. Këto të fundit në vendin tonë janë më të ulta se në Kosovë.
Sipas Erald Pashaj administrator të EPPC që është marrë edhe me sondazhin rreth 64% e të anketuarve nuk janë të kënaqur me punën e tyre.
Një tjetër problematik që ka dalë nga ky sondazh lidhet me mos zbatimin e tre prej kushteve që përcaktohen me ligj në kontrata e punës por që nuk zbatohen nga punëdhënësit siç janë: tejkalimi i 40 orëve në javë punë dhe që nuk paguhen, mos bërja e pushimit të fundjavës dhe të festive zyrtare.
Problematika këto të cilat i adresohen qeverisë për “detyrimin” e punëdhënësve që të zbatojnë ligjin dhe kontratat.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.