Program Kombëtar për Punësimin – Rama: Bizneset kërkojnë staf të kualifikuar
Qeveria ka prezantuar Programin Kombëtar të Punësimit 2021 në qytetin e Vlorës, ku sërish theksi është vendosur tek mungesa e aftësive profesionale të punëkërkuesve. Sipas kryeministrit Edi Rama, çdo kompani ka vene të lira pune por vuan për forcë punëtore të kualifikuar. Si e tillë, qeveria do të orientohet sërish drejt financimit të trajnimeve dhe arsimit profesional. Rama theksoi ndër të tjera se detyra e qeverisë është t’u gjejë punë të papunëve, por jo atyre që refuzojnë privatin, pasi synojnë një punë në shtet.
Kreu i ekzekutivit theksoi se 4 kantiere të reja infrastrukturore dhe ndërtimi i aeroporti të Vlorës do të hapë vende të reja pune. Ndërsa njoftoi vënien në funksion së shpejti edhe të aeroportit të Kukësit.
Një strategji e re punësimi, e cila është në fazë përgatitje, adreson të gjitha problematikat e tregun e punës dhe parashikon një qasje tërësisht ndryshe për të zgjidhur problematikën e thellë që ekziston aktualisht dhe për të rritur punësimin.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.