| Proces |
|
Ka nisur dy vite më parë në ish-Televizionin “Mediasat”, dhe tani eshte rikthyer në Televizionin SCAN me një format krejtësisht të ri. Në sezonin e ri, PROCES ka pësuar disa ndryshime, që përputhen me natyrën e SCAN, me formatin ekonomiko-financiar. Transmetohet sërish një herë në javë, me një kohëzgjatje prej mbi 90 minutash, çdo të Enjte, në orën 21.05. Një emision me katër të ftuar kryesisht, që trajton tema të karakterit ekonomiko-financiar, por edhe të fushës sociale. Emisioni trajton gjithashtu edhe ngjarje aktuale, por dhe çështje të “vjetra”, të mbetura pezull, nga fusha ekonomike, e investimeve strategjike etj. Në emision janë të pranishëm ekspertë të fushave përkatëse, por njëkohësisht dhe gazetarë, përballë titullarëve të institucioneve ekonomike e financiare.Shpesh, pjesë e emisionit janë edhe të rinj , studentë, si dhe investigime në sektorin e ekonomisë, deri te përballjet mes sipërmarrësve dhe institucioneve. PROCES, bursa e vetme shqiptare! Orari: Enjte 21.05 Drejtues: Basir ÇOLLAKU Postoje këtë artikull në:
|