Programi “bosh dhe sipërfaqësor” – Opozita kritikuese ndaj programit të qeverisë
Pas prezantimit të programit politik të qeverisë së re, ka reaguar kreu i demokratëve Lulzim Basha. Para kryesisë së Kuvendit Basha është shprehur se ishte një prezantim “bosh e sipërfaqësor” ai i qeverisë Rama 2.
“Paraqitja më boshe e sipërfaqësore, dhe thelbi ishte zëvendësuar nga propaganda. Roli i tij është ti tregojë shqiptarëve pse në këto katër vite e shkatërroi ekonominë shqiptare por Rama nuk ka përgjigje. Ne jemi aty për të treguar se koha e shfaqjes ka marrë fund”.
Ndërkohë që më herët ka qenë një deputet i opozitës Tritan Shehu, i cili ka kritikuar programin e qeverisë Rama sa i përket shëndetësisë me një status në Facebook.
Sipas Shehut “Finacimi publik do të mbulojë 60% të shpenzimeve” (pra nuk do të jetë “falas”), pa thënë asgjë se sa do të jetë ky financim, kur sot është 83 euro për frymë, 25 herë më i ulët se mesatarja europiane!”
Ndërkohë që një fokus i ka kushtuar edhe zgjerimit të koncesioneve, që sipas Shehut do të bënin që të avullonin edhe ato pak fonde që e rendisin Shqipërinë si vendet më shëndetësinë më të varfër në Europë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.