Programi me Kosovën,  Bordi i FMN aprovon këstin e dytë dhe të tretë në vlerën e 80 mln eurove

“Bordi i FMN aprovon rishikimin e dytë dhe të tretë të programit me Kosovën”. Kështu shkruan në një postim në Facebook, ministri i Financave në Kosovë, Avdullah Hoti, ku ndër të tjera thotë se kjo i hap rrugën tërheqjes së këstit të dytë dhe të tretë për buxhetin e Kosovës në vlerën e 80 milionë Eurove.

Sipas ministrit në Bord ka pasur një përkrahje të madhe për Kosovën, si dhe kanë vënë në dukje performancën dhe progresin e arritur gjatë implementimit të programit.

Gjithashtu Hoti ka theksuar se FMN ka vlerësuar progresin në forcimin e financave publike, duke e ulur deficitin, dhe duke i kontrolluar shpenzimet rrjedhëse.

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.