Projeksionet për dollarin amerikan – Perspektiva afatshkurtër, pozitive. Pritet të zbehet në 12 muajt e ardhshëm
Bastet afatshkurtër në favor të dollarit duhet të rriten, sipas një shumice të analistëve të anketuar nga Rueters, që ishin të ndarë mbi kohëzgjatjen e trendit pozitiv për valutën e gjelbër dhe që projektojnë zbehjen në 1 vit. Duke gjurmuar perspektivën e Rezervës Federale në takimin e Qershorit, dollari përfundoi humbjen 2 mujore dhe shtoi rreth 3% kundër valutave rivale në muajin e kaluar, duke shënuar muajin me performancën më të mirë në 4 vite e gjysmë.
Diçka tjetër që ka mbështetur dollarin dhe aktive të tjera të sigurta, është përhapja e variantit Delta të koronavirusin, që po kërcënon rimëkëmbjen ekonomike botërore. Megjithatë, sondazhi nga 28 Qershori më 1 Korrik i mbi 70 analistëve të këmbimit valutor, tregoi se valuta amerikane do të dobësohet gjerësisht kundër shumicës së valutave kryesore në 12 muaj.
Rreth 75% e analistëve, apo 38 nga 51, sugjeruan baste për dollarin dhe shitje të valutave të tjera në 3 muajt e ardhme, si një strategji e investimit. Ndërsa pyeteshin se sa do të zgjasë fuqizimi i dollarit 37 nga 63 analistë thanë më pak se 3 muaj, përfshirë 11 që parashikuan se ka mbaruar që tani.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.