Projeksionet/Popullsia globale, në 2050 do të jemi 10 miliardë! Por numri i “over 65” ka kapërcyer atë të nën 5 vjeçarëve
Popullsia botërore vijon të rritet, edhe pse me hapa të vegjël dhe me një ritëm më të ngadaltë se sa parashikohej më parë. Ishin rreth 2 miliardë në 1927 dhe 6 miliardë në fund të ‘900. Tashmë kemi arritur në 7.7 miliardë. Projeksionet e 30 viteve të ardhshme tregojnë se në 2050 do të arrijmë në 9.7 miliardë dhe të gjithë indikatorët sugjerojnë se në fund të shekullit, në 2100 në Tokë do të ecim 11 miliardë persona.
Këto të dhëna bëhen të ditura nga skenarët që kanë marrë parasysh Departamenti i Çështjeve Ekonomike e Sociale i Kombeve të Bashkuara.
‘World PopulationProspects 2019-Highlights’ konfimon edhe se popullsia e planetit po plaket, për herë të parë në histori, në 2018, “over 65” kanë kaluar numrin në nivel global, të fëmijëve nën 5 vjeç.
Ndodh jo vetëm sepse disa vende kanë përmirësuar kushtet e përgjithshme të jetesës që kanë sjellë rritje të jetëgjatësisë mesatare por edhe për shkak të rënies së lindshmërisë, që në shumë vende po njeh ngadalësim e madje po sjell pakësim të popullsisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.