Projektet publike – IKMT aksion në Farkë dhe Paskuqan
Inspektorati Kombëtar i Mbrojtjes së Territorit ka nisur sot një aksion në zonën e Farkës.
Ky operacion po zhvillohet në kuadër të projekteve publike, konkretisht për projektin për ndërtimin e unazës së jashtme të Tiranës, pjesa verilindore e saj. Kjo përshin edhe segmentin kthesa e Saukut – Bregu i Lumit, Loti 2.
Aksioni parashikon prishjen e 23 objekteve, konkretisht një, dy dhe tre katëshe me funksione shërbimi dhe banimi. Disa prej objekteve janë shpronësuar dhe pjesa tjetër janë shpallur të paligjshëm.
Po ashtu, IKMT ka vijuar aksionin edhe në zonën e Paskuqanit, duke prishur kështu dy objekte të paligjshëm. Këto të fundit pengonin realizimin e projektit “Rehabilitimi i lumit të Tiranës”.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.