Projekti human ‘Screenome’/ Kërkon të zbulojë sa orë shpenzojmë në internet, por jo vetëm.. (VIDEO)

Me rritjen e automatizmit vjen shqetësimi i shtuar për sjelljet  digjitale. A ndikon vërtet koha që kalojmë në ekranet e telefonave, në rritjen e ankthit dhe depresionit, në rritjen e vështirësive për marrëdhënie shoqërore dhe dobësimin e aftësisë sonë për të dalluar realitetin nga trillimi?

Studiuesit në universitetet Stanford dhe Penn State dëshirojnë të gjejnë përgjigjen e këtyre pyetjeve duke regjistruar dhe analizuar gjithçka që njerëzit shohin dhe bëjnë në telefonat e tyre. Projekti i tyre i ashtuquajtur “Human Screenome Human” premton një qasje të detajuar për “vëzhgimin e ndërlikimeve të jetës aktuale digjitale”.

“Pavarësisht se çfarë studioni, pavarësisht nëse është politikë, varësi, shëndet, marrëdhënie ose veprim klimatik, nëse vërtet doni të kuptoni besimet dhe sjelljet e njerëzve, duhet të shikoni ‘skenarin’ e tyre, pasi një pjesë e madhe e jetës sonë tashmë është e filtruar përmes pajisjeve tona digjitale,” tha profesori i mjekësisë Stanford dhe bashkautori i studimit, Thomas Robinson në një deklaratë.

Për të analizuar jetën digjitale të shoqërisë, studiuesit kanë instaluar softuer në pajisjet personale (me pëlqimin e përdoruesit), i cili regjistron, enkripton dhe transmeton fotografi të ekraneve çdo pesë sekonda, pavarësisht nëse aparati është aktivizuar apo jo.

Këto imazhe futen në bazën e të dhënave të projektit, të cilat mund të përdoren për të vëzhguar ndryshime nga momenti në moment në të gjithë përmbajtjen dhe ekranet, ose për të përshkruar ndryshime afatgjata në ditë, javë, apo edhe vite.

Stanford Screenomics Labs deri më tani ka mbledhur më shumë se 30 milion pika të të dhënave nga mbi 600 pjesëmarrës. “Ne kemi nevojë për mijëra e dhjetëra mijëra njerëz që gjenerojnë edhe më shumë të dhëna në ekran,” sipas bashkëautorit Byron Reeves, një profesor në Shkollën e Shkencave të Njeriut të Stanford.

Duke ecur përpara, studiuesit shpresojnë se gjetjet e projektit mund të përdoren për të inkurajuar përdorimin më të shëndetshëm të ekranit.

“Nuk është vetëm t’u jepni njerëzve informacione për atë që po bëjnë, por një qasje alternative ndaj ndryshimeve që ata mund të bëjnë në jetën e tyre,” tha Robinson. “Nëse një person po përpiqet të bëhet më aktiv fizikisht, ne mund të identifikojmë përdorimin e tyre të mediave digjitale të shoqëruara me periudha të të ndenjurit ulur dhe inaktiv dhe ta nxisim atë, duke përdorur ndërhyrje në periudha kohore të paracaktuara për ta çuar atë drejt rezultateve më të shëndetshme.”

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.