Projekti i përditësimit të adresave, Dervishi: Ka pasur shkelje me informacionin e klasifikuar të qytetarëve

Në projektin për përditësimin e të dhënave të sistemit të adresave janë konstatuar shkelje të të drejtave të informacionit që konsiderohet i klasifikuar për qytetarët.

Shkak për të cilin janë vënë 8 gjoba ndaj subjekteve të përfshira në këtë proces nga ana e Komisionerit për të Drejtën për Informim dhe Mbrojtjen e të Dhënave Personale.

Deputetët e opozitës akuzuan se informacionet personale të mbledhura nga projekti i përditësimit të adresave janë përdorur politikisht nga mazhoranca.

Komisioneri për të Drejtën për Informim dhe Mbrojtjen e të Dhënave Personale paraqiti në Kuvend raportin e punës së tij për vitin 2017, duke nënvizuar se mbetet problem respektimi nga institucionet qeveritare i detyrimit për aksesin e publikut në aktivitetin e tyre.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.