Projekti i Teatrit të ri Kombëtar  – Rama: Do të realizohet me bashkinë dhe sipërmarrjen private

Teatri i ri kombëtar do të realizohet në bashkëpunim me Bashkinë e Tiranës dhe sipërmarrjen private.

Këtë gjë e ka bërë të ditur kryeministri, Edi Rama, gjatë prezantimit të projektit.

Rama theksoi se, godina e re do të ketë trefishin e hapësirës që ka aktualisht dhe nuk do të ketë kullë, duke shtuar se sipërmarrësi garanton projektin, por nuk vjen për të humbur.

Rama deklaroi më tej se qeveria do të investojë më shumë për kulturën, duke rritur fondet me 20%.

Projekti i Teatrit të ri Kombëtar është bërë nga arkitekti danez, Bjarke Ingels dhe do të ndërtohet mbi rrënojat e atij ekzistues.

Godina e re pritet të ketë 9 salla nga 1 që ka aktualisht.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.