Projekti kinez që parashikon mbjelljen e pyjeve të reja me madhësinë e Irlandës

Kina do të mbjellë pyje të reja gjatë këtij viti, të cilat do të mbulojnë një sipërfaqe pothuajse sa madhësia e ishullit të Irlandës. Nëpërmjet këtij projekti, synon të rrisë sipërfaqen e pyjeve në 23 për qind të tokës, deri në fund të dekadës.

Mbjellja e pemëve është bërë një pjesë thelbësore e përpjekjeve të Kinës për të përmirësuar mjedisin dhe për të trajtuar ndryshimet klimatike. Sipas ‘China Daily’, qeveria është zotuar të mbjellë pemë në një sipërfaqe nga 21.7 për qind deri në 23 për qind.

Sipas kreut të administratës shtetërore të pyjeve në Kinë, Zhang Jianlong, ajo do të rrisë të paktën me 6.66 milionë hektarë pyje të reja këtë vit. Ai tha se gjatë pesë viteve të fundit janë mbjellë pothuajse 33.8 milionë hektarë pyje në të gjithë vendin.

Tre pyje të reja me një sipërfaqe totale prej 483 000 hektarësh do të ndërtohen në Xiongan, provinca Habei, një zonë shumë e ndotur që rrethon kryeqytetin e Pekinit.

Qeveria aktuale është duke promovuar një program “vija e kuqe ekologjike” që do t’i detyrojë provincat dhe rajonet të kufizojnë ‘zhvillimin joracional’ dhe të frenojë ndërtimin pranë lumenjve, pyjeve dhe parqeve kombëtare.

Ministria e mjedisit tha  se 15 provinca kishin hartuar tashmë plane, ndërsa 16 të tjerët synonin ta bënin këtë vit, por ende nuk mbetet i paqartë ndikimi që do të ketë politika në tokën bujqësore të vendit.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.