Projekti më i ri me shtëpitë ekologjike dhe çmime të lira pritet “të pushtojë” Brazilin

A është e mundur të ndërtohen qytete të zgjuara me çmime të përballueshme? A mund të jenë ndërtesat, lagjet, të integruara teknologjikisht, të qëndrueshme ekologjikisht, të pajisura me shërbime sociale, por me çmime të lira?

Planet Smart City – një kompani udhëheqëse ndërkombëtare në strehim të zgjuar social – njofton – në partneritet me InLoop (kompani braziliane e pasurive të patundshme) – ndërtimi i mbi 2,250 apartamenteve inteligjente, me cilësi të lartë dhe të përballueshme në Sao Paulo, Brazil.

Projekti

Plani i zhvillimit do të zbatohet përmes tre projekteve, i pari i të cilit do të fillojë në vitin 2020. Apartamentet do të kombinojnë zgjidhje inteligjente në 4 fusha kryesore: planifikimin dhe arkitekturën; sistemet teknologjike; ambientin dhe inovacionin; Social.

Më shumë se 25 zgjidhje të zgjuara do të jenë të integruara në projekt, përfshirë këtu edhe Aplikacionin “Planet” falas që do t’u lejojë banorëve, për shembull, të menaxhojnë konsumin e energjisë të shtëpive të tyre përkatëse dhe të azhurnohen në çdo komunitet apo nisma lokale. Kopshtet urbane dhe bibliotekat falas do t’u ofrojnë banorëve hapësira për të mësuar dhe jetuar së bashku.

“Planet Smart City synon të transformojë mënyrën në të cilën perceptohet strehim i përballueshëm në botë – tha Drejtori Ekzekutiv global i Planet Smart City, Gianni Savio -. Ne kemi lidhur konceptin e zgjidhjeve për strehim me kosto të ulët në një tavan shërbimesh. Nga zonat “ëifi falas” deri tek ndarja e biçikletave, nga sistemet e ndriçimit LED deri te biblioteka e lagjes. Në Itali roli ynë është ai i këshilltarit. Në praktikë, ne hartojmë një listë të shërbimeve dhe teknologjive që mund të përmirësojnë cilësinë e jetës dhe t’i integrojnë ato në zhvillimin e ndërtesave “.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.