Projekti për aeroportin e ri në Vlorë, Gjiknuri: Do të ndërtohet në Novoselë

Pak ditë më parë kryeministri Edi Rama bëri të ditur se po shkohet drejt finalizimit të projektit për ndërtimin e aeroportit të ri në Vlorë. Por ministri I Energjisë Damian Gjiknuri ka shkuar më tej duke dhënë detaje të zonës së ku do të ndërtohet ky aeroport. Ndërsa ndodhej në një takim me zgjedhësit në kuadër të kandidimit për zgjedhjet parlamentare, Gjiknuri tha se ndërtimi I aeroportit të ri do të bëhet në Novoselë.

“Vlora do të ketë një aeroport, do të jetë Novosela aeroporti i dytë i Shqipërisë. Vlora ka potenciale të jashtëzakonshme turistike, po i bëhet dhe Rruga e Lumit që i krijon edhe një damar tjetër komunikimi shumë të rëndësishëm që e lidh me bregun. E kthen në një zonë ku jo vetëm trafiku do të shkojë nga Vlora por një pjesë do kalojë edhe nga kjo Rrugë e Lumit për të dalë mëpas në pjesën e bregut, Kjo do të jetë një potencial tjetër për gjithë atë zonë e cila ka qenë realisht komplet e harruar dhe braktisur”, tha Gjiknuri duke komentuar investimet.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.