Projekti për përmirësimin e turizmit në Valbonë – FSHZH informon mbi situatën aktuale të punimeve (FOTOT)

Fondi Shqiptar i Zhvillimit në kuadër të punimeve që po kryhen në Valbonë shkruan se kjo zonë prej vitesh është kthyer në një nga pikat më tërheqëse të turizmit vendas i cili vit pas viti është në rritje.

Sipas njoftimit në mbështetje të turizmit, Fondi Shqiptar i Zhvillimit ka filluar zbatimin e projektit: “Ndërtimi i sistemit të kanalizimeve dhe impiantit të trajtimit të ujërave të ndotura në Valbonë”, projekt i cili do t’i shërbejë jo vetëm banorëve por edhe turisteve vendas dhe të huaj.

FSHZH bën me dije se aktualisht punimet janë përqendruar në shtrimin e tubacioneve në linjën kryesore dhe linjën sekondare dhe se ky projekt me financim nga Qeveria Shqiptare pritet të ketë një impakt të drejtpërdrejtë në mirëqenien e banorëve si dhe në rritjen e bizneseve familjare dhe jo vetëm.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.