Projekti/ Rajonizimi i produktit bujqësor në Maqedoni, së shpejti fermerët do të dinë se çfarë dhe ku duhet të mbjellin
Fermerët në Maqedoni, brenda dy viteve do të dinë saktësisht se cilat kultura janë të përshtatshme për truallin që ata kanë.
Projekti i Ministrisë së Bujqësisë, në bashkëpunim me Organizatën për Bujqësi dhe Ushqim të Kombeve të Bashkuara ka për qëllim rajonizimin e prodhimit bujqësor në bazë të tokës dhe kushteve klimatike.
“Prodhuesit bujqësor dhe investitorët potencialë shpesh herë nuk kanë informacione për atë se cilat kultura, lloje dhe fara më mirë lulëzojnë në zonat e prodhimit. Një nga parakushtet kryesore për rritjen e rendimenteve dhe përmirësimin e cilësisë së produktit është sigurimi i informacioneve të sakta në lidhje me përshtatshmërinë për kultivimin e kulturave të caktuara bujqësore në rajone të prodhimit në vend. Këto informacione në masë të madhe do t’i zvogëlojnë investimet e gabuara dhe do të shërbejnë për përcaktimin e drejtimeve të ardhshme se në cilin drejtim duhet të përshtatet bujqësia jonë në përputhshmëri me ndryshimet klimatike”, deklaroi së fundmi Ljupco Nikolovski, ministër i Bujqësisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.