Projekti/ Varrezat e Tufinës shtohen me 2.5 hektarë! Parashikohet edhe ndërtimi i një muraleje. Hapet tenderi

Bashkia e Tiranës ka hapur tenderin për shtimin e sipërfaqeve të Varrezave Publike Tufinë.  Tenderi me vlerë rreth 50 milionë lekë, që është i hapur deri me 26 mars, do të mundësojë zgjerimin e varrezës publike të kryeqytetit me një sipërfaqe  prej 2.5 hektarësh.

Projekti parashikon shpronësimet dhe risistemimin e vendit duke përcaktuar ndër të tjera sistemimin e rrjetit rrugor të brendshëm, hapësirën e parkingut për makina dhe autobuzë, lulishte dhe ndriçim.

Po ashtu, projekti parashikon edhe ndërtimin e një varreze murale me 560 poste. Nëse tenderi del me sukses, punimet do të zgjasin 9 muaj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.