Projektligji “Për armët” – Komisioni i Sigurisë Kombëtare vendos autorizim për armët e ftohta të kategorisë D3
Autorizimi për mbajtjen e armëve të ftohta ka ngjallur debate në komisionin parlamentar të sigurisë kombëtare, ku u diskutua projektligji “Për armët”. Deputeti, Myslym Murrizi kërkoi të hiqet ky autorizim, sipas të cilit , nuk e ka asnjë vend anëtar i BE
Zv.Drejtor i Përgjithshëm i Policisë së Shtetit, Albert Dervishaj, u shpreh kundër heqjes së autorizimit për armët e ftohta të kategorisë D3, pasi sipas tij, lë boshllëk në ligj.
Dervishaj shtoi se rishikimi i disa neneve te ligjit për armët është për të forcuar kriteret ndaj shtetasve që kërkojnë të pajisen me një armë zjarri duke vendosur kritere shtesë . Në projektligj është parashikuar pajisja e subjekteve me dokument të posaçëm dhe kjo sipas Dervishajt na përafron me vendet e BE.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.