Projektligji për gjuetinë/Forcim i rolit të federatës. Peri: Deri 70 mijë euro në vit për bashkitë
Projektligji për gjuetinë do të sjell të ardhura financiare për shtetin dhe për bashkitë deri në 70 mijë euro në vit.
Kështu ka deklaruar përfaqësuesi i federatës së gjuetarëve Themi Peri, federatë e cila sipas ligjit të ri do menaxhojë gjuetinë në vend.
Sipas Perit do ti jepet fund atyre aktiviteteve që dëmtojnë faunën dhe florën siç është gjuetia e sportit dhe ajo turistike.
Lidhur me moratoriumin ish ministri i mjedisit Lefter Koka deklaroi se janë arritur rezultate të jashtëzakonshme po kjo është hedhur poshtë nga përfaqësues të shoqatës së gjuetarëve.
Ne komision nuk kane munguar edhe debatet lidhur me mungesën e përfaqësuesve të qeverisë në seancë dëgjimore.
Kjo është seancë e parë e diskutimit të projektligjit për gjuetinë një nismë e tre deputetëve Eduard Shalsi, Besnik Bare dhe Erion Braçe.
Sipas kryetarit të komisionit për veprimtarinë prodhuese, tregtinë dhe mjedisin Eduard Shalsi, ky ligj do të jetë gjithëpërfshirës për propozime të efektshme sa i takon gjuetisë.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.