Projektligji për shtetësinë në britanike: Çfarë nënkupton një ‘rishikimi i rregullave të emigracionit’?!
Një projektligj i ri që i jep qeverisë së Britanisë së Madhe më shumë kompetenca për të hequr shtetësinë britanike pa paralajmërim, po ngjall zemërim. Masat e reja janë pjesë e një rishikimi të rregullave të diskutueshme të emigracionit në Mbretërinë e Bashkuar.
Ligji për Shtetësinë, Emigracion dhe Azilin i miratuar në vitin 2002 i lejoi qeverisë t’i hiqte një personi nënshtetësinë britanike nëse ai kishte një shtetësi tjetër. Që nga viti 2006, ministri i Brendshëm i Britanisë së Madhe ka pasur kompetencën t’u privojë personave me shtetësi të dyfishtë shtetësinë e tyre britanike nëse kjo është “në interes të së mirës publike”.
Klauzola 9 e Projektligjit të Shtetësisë dhe Kufijve, e cila u shtua në nëntor, në thelb i hap rrugën qeverisë për t’u hequr individëve shtetësinë e tyre në Britaninë e Madhe pa paralajmërim për arsye praktike, për shembull nëse autoritetet nuk kanë detajet e kontaktit të një personi, në interes të sigurisë kombëtare ose “në interes publik”.
Ekziston frika se klauzola 9 do të synojë në mënyrë disproporcionale britanikët etnikë dhe do t’i bëjë ata të ndihen të pasigurt dhe të padëshiruar.
Në një deklaratë, Ministria e Britanisë tha se “Shtetësia britanike është një privilegj, jo një e drejtë. Heqja e shtetësisë është e rezervuar me të drejtë për ata që përbëjnë një kërcënim për vendin ose sjellja e të cilëve përfshin dëme shumë të mëdha. Projektligji për Shtetësinë dhe Kufijtë do të ndryshojë ligjin në mënyrë që shtetësia të mund të hiqet kur nuk është e mundur të njoftohet, për shembull nëse nuk ka asnjë rrugë tjetër për të komunikuar me personin.”
Amendamenti ka shkaktuar zemërim të madh, jo vetëm te grupet e të drejtave të njeriut, të cilët thonë se përveç krijimit të pengesave të mëdha për njerëzit që kërkojnë azil, ai bie ndesh hapur me detyrimet e Mbretërisë së Bashkuar ndaj Konventës së OKB-së për Refugjatët dhe Konventës Europiane për të Drejtat e Njeriut.
Projektligji, i cili u miratua nga Dhoma e Poshtme javën e kaluar dhe do të debatohet nga Dhoma e Lartë e Parlamentit, Dhoma e Lordëve më 5 janar, synon gjithashtu të trajtojë imigracionin e paligjshëm dhe kërkesat e papranueshme për azil të paraqitura nga njerëz pa dokumente. Ai do t’i kriminalizonte ata, si dhe këdo që merr pjesë në misionet e shpëtimit të refugjatëve në Kanalin Anglez. Personeli i forcave kufitare do të përfitonte nga imuniteti nëse njerëzit vdesin në Kanal gjatë të ashtuquajturave operacione sprapsjeje.
Komiteti i Përbashkët i të Drejtave të Njeriut (JCHR) i Britanisë së madhe konstaton se ligji shkel ligjin për të drejtat e njeriut dhe Konventën e Refugjatëve dhe i ka bërë thirrje qeverisë të rishikojë masat që janë të papajtueshme me të drejtat e njeriut. Në një kohë që ata që u është hequr shtetësia janë kryesisht myslimanë britanikë nga Azia Jugore, Lindja e Mesme ose Afrika e Veriut, masat mund të ndihen edhe nga qytetarët e BE. DW
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.