Prokuroria zbardh detaje nga ”super” aksioni për përgjegjësit e shkatërrimeve në 26 nëntor
Prokuroria e Tiranës ka zbardhur rezultatet e megaoperacionit të Policisë së Tiranës, për arrestimin e personave, që dyshohen se kanë lidhje me pasojat e tmerrshme të tërmetit të 26 nëntorit. Sipas Prokurores Elisabeta Imeraj, janë evidentuar 25 institucione, 125 pallate dhe 200 banesa të dëmtuara në Qarkun e Tiranës nga tërmeti i 26 nëntorit dhe se në pranga kanë përfunduar ish-zyrtarë vendorë, inspektorë ndërtimi, arkitektë, inxhinierë dhe ndërtues në disa komuna të Tiranës, Farkë, Kashar dhe Bashkinë Vorë.
31 persona janë arrestuar gjatë dy ditëve të fundit, 7 janë shpallur në kërkim dhe 2 janë proceduar në gjendje të lirë të dyshuar si shkaktarë të shkatërrimit të objekteve në kryeqytet nga tërmeti i 26 nëntorit. Të dhënat janë bërë publike nga Prokuroria e Tiranës përmes një deklarate zyrtare për shtyp, ku ka shpjeguar se bëhet fjalë për zyrtarë, ish-zyrtarë dhe ndërtues. Sipas Prokurores Elisabeta Imeraj, janë evidentuar 25 institucione, 125 pallate dhe 200 banesa të dëmtuara në Qarkun e Tiranës nga tërmeti i 26 nëntorit.
Një ditë më parë Prokuroria e Kryeqytetit nënshkroi 38 urdhër ndalime për ish-zyrtarë vendorë, inspektorë ndërtimi, arkitektë, inxhinierë dhe ndërtues në disa komuna të Tiranës, Farkë, Kashar dhe Bashkinë Vorë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.