Promovimi i turizmit – Ferizaj: Buxheti i pamjaftueshëm. Këtë vit, Shqipëria në 15 panaire
Turistët e huaj kanë interes të shtuar për të vizituar Shqipërinë, por pavarësisht kësaj vendi ynë nuk po promovohet në nivelet e duhura , kjo për shkak të pamjaftueshmërisë së buxhetit të Agjencisë Kombëtare të Turizmit e cila synon nxitjen e turizmit përmes promovimit brenda dhe jashtë vendit . Drejtoresha e Agjencisë, Kornelia Ferizaj shprehet për televizionin SCAN se buxheti për këtë vit është 163 milion lekë, por dhe pse në rritje krahasuar me një vit më parë ende larg krahasuar me vendet e tjera .
Ferizaj bëri të ditur se Shqipëria këtë vit do të marrë pjesë në 15 panaire gjithsej dhe se tregu që po synohet më shumë është ai nordik.
Ajo që vihet re vitet e fundit është zhvendosja e interesit të turistëve nga bregdeti në kulturë dhe kulinari, kjo tendencë u vu re edhe në panairin e sapo zhvilluar në Madrid ku vendi ynë mori pjesë më stendën e tij për 5 ditë rresht.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.